La Revenderesse - La Femme Amoureuse

LA MORTE. Approchez vous revenderesse (1) Sans plus cy faire demourée Vostre corps nuit et jour ne cesse De gaigner pour estre honnourée. Honneur est de pouure durée Et se pert en ung moment. d'eure Au monde na chose assurée : Tel rit au main au soir pleure.	LA MORTE. Femme de petite value Mal viuant en charnalité Mené auez vie dissolue En tous temps yver et esté. Aiés lo cueur espouuenté Car vous serés de près tenue Pour mal faire on est tormenté Péché nuist quant on continue.
LA REUENDERESSE. J'auoye hier gaigné deux escus Pour forfaire subtilement Mais ne scay que sont deuenus : Argent acquis mauuaisement Ne fait ja bien communement. Hélas je meurs, c'est d'aultre metz Que prestre aye hastiuement : Il me vault mieulx tard que jamais.	LA FEMME AMOUREUSE. A ce péché me suis soubzmise Pour plaisance désordonnée. Pendus soient ceulx qui m'y ont mise Et au mestier habandonnée. Las si j'eusse esté bien menée Et conduite premièrement Jamais n'y eusse esté tournée La fin suit le commencement.
(1) boutiquière La Grande Danse Macabre, 1486