La Bigote - La Sotte

LA MORTE. Dieu ayme bien femmes déuotes Qui ont consciences nettes. Et hait surtout ces bigotes Aux chaperons sans cornètes Comme aucunes seurs collettes Lesquelles par ypocrisie En secretz péchez sont infectes Deuant Dieu et sa compaignie.	LA MORTE. Sus tost. margot venez auant Estes vous maintenant derrière Yous deussiez ja estre deuant Et danser toute la première. Quel contenance. quel manière Ou est vostre fille marote Ne vault faire ey mesgre chière Car c'est vostre dernière note.
LA BIGOTE. Pour verité me suis monstrée Souuent meilleur que je nestoye Aucunes fois bien desjeunée Faisant semblant que je jeunoye. Et de ma bouche barbetoye Sans dire ne mot ne lettre : Je pry a Dieu qu'en bonne voye Plaise ma pauure ame mettre.	LA SOTTE. Entre vous cointes et jolies Femmes oyez que je vous dis Laissez a heure voz folies Car vous mourrez sans contredis. Si j'ay ne meffait ne mesdis A ceulx qui demeurent. pardon Requiers. et à Dieu paradis. Demander ne puis plus heau don.
La Grande Danse Macabre, 1486