Le Hallebardier - Le Sot

LE MORT. Aux bonnes gens de villages Auez mengez la poulalle But le vin : faitz grans oultrages Sans payer denier ne maille A tout vostre chappeau de paille Hallebardier : venez avant Et danserés vaille que vaille Autant vault dernier que devant.	LE MORT. Que si dansez n'est que usage Mon ami sot: bien vous advient De y danser comme plus sage Tout homme danser y convient L'escriture si m'en souvient Dit en ung pas: qui bien 1'entend L'homme s'en vad point ne revient Chascun chose a sa fin tend.
LE HALLEBARDIER. Je crains passer le passage De mort. quant bien ie y regarde Qui ne le craint : n'est pas sage. Rien ny vauldroit ma hallebarde. Ne feroit pas une bombarde. Si ie me cuidoye deffendre. Chascun se tienne sur sa garde. Quant mort assaut il se fault rendre.	LE SOT. Or sont maintenant bons amis Et dansent icy d'un accord: Pleuseurs qui estoient ennemis Quont ilz viuoient et en discord Mais la mort les a mis d'acord I.a quelle fait estre tout ung Sages et sotz: quant Dieu l'acord Tous mors sont d'un estat commun.
La Grande Danse Macabre, 1486