Le Pape - L'Empereur

LE MORT. Vous qui vivez : certainnement Quoy qu'il tarde ainsi danserés : Mais quant ? Dieu le seet seulement Advisez comme vous ferés. Dam Pape : vous commencerés Comme le plus digne seigneur : En ce point honoré serés Aux grans maistre esl deu l'honneur.	LE MORT. Et vous le non pareil du monde Prince et seigneur grant emperière Laisser fault la pomme d'or ronde : Armes : sceptre : timbre : bannière. Je ne vous lairay pas derrière Vous ne povez plus signorir J'en maine tout c'est ma manière, Les fils Adam fault tous morir.
LE PAPE. Hée : faut il que la danse mainne Le premier : qui suis dieu en terre J'ay eo dignité souverainne En l'eglise comme saint Pierre Et comme autre; mort me vient querre Encore point morir ne cuidasse Mais la mort a tous maine guerre Peu vault honneur que si tost passe.	L'EMPEREUR. Je ne scay devant qui j'apelle De la mort : qu'ansi me demainne. Armé me fault de pic. de pelle : Et d'un linseul ce mest grant paine Sur tous ay eu grandeur mondaine : Et morir me faolt pour tout gage. Qu'ost ce de ce mortel demainne Les grans ne l'ont pas davantage.
La Grande Danse Macabre, 1486