Les mortes

LE PREMIER MÉNESTREL Venez dames et damoiselles Du siècle et de religion Veufues, mariées et pucelles Et autres sans exception De quelconque condition. Toutes danser a ceste danse Vous y venrez, veullez ou non : Qui sage est souuent y pense.	LE TIERS. Compaignon, bonne est ta raison De ces femmes oultrecuidée, Que leurs corps sera venaison De vers puans ung jour mengée. En porroit elles estre gardée Pour or. argent. ne rien qui soit : Nenny. bien sont doncques abusée Qui ne s'amende il se déçoit
LE SECOND. Quoy sont voz corps, je vous demande Femmes jolies tant bien parée llz sont pour certain la viande Q'un jour sera aux vers donnée. Des vers sera donc devorée Vostre char qui est fresche et tendee la il n'en demourra goullée Voz vers après deviendront cendre.	LE QUART. O femmes mirez vous en ung tas D'ossemens de gens trespassés Lesquelz ont en divers estas Au monde estez leurs temps passés Et maintenant sont entassés L'un sur l'autre : gros. et menus. Ainsi serés : or y pensés, La char pourrie, les os tous nus.
La Grande Danse Macabre, 1486