Les morts

LE PREMlER MORT. Vous par divine sentence Qui vivés en estatz diuers Tous : danserés ceste danse Une foys. et bons : et pervera Et si seront mengés de vers Vos corps . hélas : regardez nous Mors. pourris. puans. descouvers Comme sommes : tels serez vous.	LE TlER MORT. Entendez ; ce que je vous dis Jeunes et vieulx petis et grans De jour en jour selon les dis Des sages : vous alez mourans Car vos jours vont diminuans Pour quoy : tous serez trespassez Coulx qui vivez : devant cent ans : Las : cent ans seront tost passez.
LE SECOND MORT. Dictes nous par quelles raisons Vous ne pensez point a morir Quant la mort va en vos maisons ; Huy l'ung : demain l'autre quérir Sans qu'on vous puisse secourir C'est mal vivre : sans y penser Et troup grant danger de périr. Force est qu'il faille ainsi danser.	LE QUART MORT. Devant quil soient cent ans passés Tous les vivans comme tu dis De ce mcnde seront passés En enfer : ou en paradis Mon compagnon : mais je te dis. Peu de gens sont qui aient cure Des tréspassez : ne de nos dis. Le fait d'eulx : git en adventure.
La Grande Danse Macabre, 1486